జైళ్ల శాఖ సిబ్బందికి పదవీ విరమణ సన్మానం

(శ్రీరామ్ చక్రీన్యూస్,) 29-09-2026,హైదరాబాద్: తెలంగాణ జైళ్ల శాఖలో సుదీర్ఘకాలం సేవలందించి సెప్టెంబర్ 30, 2026న పదవీ విరమణ చేయనున్న ఇద్దరు సిబ్బందిని ఘనంగా సన్మానించారు. హైదరాబాద్‌లోని డైరెక్టరేట్ జనరల్ ఆఫ్ ప్రిజన్స్ అండ్ కరెక్షనల్ సర్వీసెస్ కార్యాలయంలో పదవీ విరమణ సన్మాన కార్యక్రమాన్ని నిర్వహించారు.చర్లపల్లి సెంట్రల్ ప్రిజన్‌లో అసిస్టెంట్ డిప్యూటీ జైలర్‌గా విధులు నిర్వహిస్తున్న అబ్దుల్ రషీద్, హెడ్ వార్డర్‌గా పనిచేస్తున్న మద్దుల శివరాజు పదవీ విరమణ చేయనున్న సందర్భంగా వారి సేవలను అధికారులు అభినందించారు.ఈ కార్యక్రమానికి డైరెక్టర్ జనరల్ ఆఫ్ ప్రిజన్స్ అండ్ కరెక్షనల్ సర్వీసెస్ డా. సౌమ్య మిశ్రా, ఐపీఎస్ హాజరై పదవీ విరమణ చేయనున్న సిబ్బందిని సన్మానించారు. శాఖకు వారు అందించిన నిజాయితీ, అంకితభావంతో కూడిన సేవలను ఆమె ప్రశంసించారు. పదవీ విరమణ అనంతరం వారి జీవితం ఆరోగ్యంగా, సంతోషంగా, ప్రశాంతంగా సాగాలని ఆకాంక్షించారు.కార్యక్రమంలో ఎన్. మురళీ బాబు, ఐజీ ప్రిజన్స్ (అడ్మిన్), డా. డి. శ్రీనివాస్, డీఐజీ ప్రిజన్స్ (హైదరాబాద్ రేంజ్), ఎం. సంపత్, డీఐజీ ప్రిజన్స్ (వరంగల్ రేంజ్), ఎన్. శివకుమార్ గౌడ్, సూపరింటెండెంట్, సెంట్రల్ ప్రిజన్ చంచల్‌గూడ, ఎం. సుధాకర్, అడ్మినిస్ట్రేటివ్ ఆఫీసర్ తదితరులు పాల్గొన్నారు.సిబ్బంది నెలవారీ జీతాల నుంచి సమకూర్చిన డిపార్ట్‌మెంట్ వెల్ఫేర్ ఫండ్ నుంచి పదవీ విరమణ చేయనున్న ఉద్యోగులకు చెక్కులను అందజేశారు. సీనియర్ అధికారులు, జైళ్ల శాఖ సిబ్బంది, పదవీ విరమణ చేయనున్న ఉద్యోగుల కుటుంబ సభ్యులు కార్యక్రమంలో పాల్గొన్నారు.తెలంగాణ ప్రిజన్స్ అండ్ కరెక్షనల్ సర్వీసెస్‌కు వారు అందించిన విలువైన సేవలకు శాఖ తరఫున అధికారులు కృతజ్ఞతలు తెలిపారు.